Як выглядаюць берагі Дзвіны ў канцы студзеня з Кіраўскага маста, запрашаем паглядзець у нашым фотарэпартажы.
Канец студзеня 2015 года ў Віцебску выдаўся не па-зімоваму цёплым. Вільготны снег і макрота на вуліцах таму доказ. Слабыя начныя маразы да гэтага часу не могуць скаваць лёд на Дзвіне. Вялікая частка ракі па-ранейшаму вольная, плынь разбівае слабыя перашкоды на сваім шляху, пакідаючы жыццёвую прастору для мясцовых птушак. У позні час каля Кіраўскага маста зусім не шматлюдна, не залежна ад надвор’я і пары года. Толькі рэдкія прахожыя ажыўляюць вячэрні пейзаж у гэтай частцы горада.