і чаму «Рэха…» не адгукаецца ў Беларусі
Старшыня Міжнароднага каталіцкага фестываля хрысціянскіх фільмаў і тэлепраграм MAGNIFIKAT, лаўрэат прэміі «За духоўнае адраджэнне», рэжысёр Юрый Гарулëў звярнуўся да грамадскасці:
Дорогие братья и сестры, друзья фестиваля MAGNIFIKAT!!!
Сообщаем Вам, что Организационный комитет по согласованию с Конференцией католических Епископов Беларуси, вносит изменения в Регламент проведения фестиваля этого года.
Мы переносим 12-й Международный католический Фестиваль христианских фильмов и телепрограмм MAGNIFIKAT на следующий, 2017 год, по предварительному соглашению, на первую половину сентября.
Фестываль мае 11-гадовую гісторыю. Адкрыццё фестывалю традыцыйна адбывалася ў Мінску, асноўны прагляд конкурсных стужак, як і праца журы, былі на Глыбоччыне. Фестываль меў вялікае значэнне, шырокую аўдыторыю і грамадскі рэзананс, кінастужкі дэманстраваліся не толькі ў Глыбокім, а і ў невялікіх пасёлках ці вёсках. Акрамя конкурснага прагляду, праходзілі сустрэчы з рэжысёрамі і дзеячамі кіно, праводзіліся майстар-класы.
Колькасць твораў і геаграфія ўдзельнікаў з кожным годам пашыралася. У 2015 годзе ў конкурсе ўдзельнічала больш за 40 стужак, ў Глыбокае прыязджалі дзеячы кіно з 16 краін свету. Падзеі фестывалю адлюстроўваў першы Нацыянальны тэлеканал.
Што ж здарылася, чаму фестываль прыпыніўся (будзем спадзявацца, што часова)? На гэтае І іншыя пытанні адказаў Юрый Гарулëў для catholic.by.
Асноўная прычына фестывальнай паўзы — фінансавая. З моманту стварэння MAGNIFIKAT існаваў пераважна за кошт падтрымкі каталіцкіх фондаў, якія ў апошнія гады адмаўляюцца ад далейшага супрацоўніцтва.
Рэжысёр дадаў, што фестывалю не надаецца тая ўвага, якую ён заслугоўвае. Хтосьці лічыць кіно проста забаўкай, забываючыся пра яго глыбокі асветніцкі і мастацкі момант.
Але ж у гэтым годзе замест кінафорума ажыццяўляецца іншы праект – «Рэха Магніфікату». З больш чым 300 фільмаў за 11 гадоў існавання фестываля адабраны 40 — прызёраў і ўдзельнікаў розных гадоў. Да іх складзены анатацыі і разасланы ў розныя парафіі, якія самі могуць выбраць цікавыя стужкі і запрасіць да сябе «Рэха». Першыя сеансы ўжо прайшлі ў Навагрудку, Баранавічах і Нясвіжы.
Старшыня фестываля распавёў:
Першыя паказы ў межах рэха фестывалю выклікалі сапраўдны фурор: людзі ўставалі са сваіх месцаў, падыходзілі і паціскалі мне руку, кажучы, што такіх фільмаў яны даўно не бачылі. Маўляў, у тэлевізары даўно адна кроў і смерць, а тут кіно як сапраўды духоўная ежа. Такая рэакцыя, канешне, вельмі радуе.
Але арганізатары сутыкнуліся з новай праблемай: у рэгіёнах пра фестываль амаль нічога не ведаюць, а таму і не зацікаўлены ў тым, каб запрашаць «Рэха Магніфікату» ў сваю парафію.
