Старое на новы лад
Алей з вадой не змяшаеш, таму ў магазіне яго і прадаюць не разбаўленым.
І каза ваўка можа з’есці, калі яна начальнік.
Сарока з тыну, а дзесяць на тын… Рэвізоры на прадпрыемстве харчавання.
Прыкмета: калі загадчык склада завёў ката, чакай недахоп мясных вырабаў.
Даслаў Міхась СЛІВА, г. Рагачоў
Звычка
Усмешка
Крама. Мужчына выклаў прадукты з кошыка на стужку транспарцёра, касірша пачала іх прабіваць. Аднак у выніку на стужцы застаўся мокры след ад пакета з малаком. Пакупнік не разгубіўся і хуценька схапiў анучу, якая ляжала каля касавага апарата, каб загладзіць віну.
— Мужчына, што вы робіце? — зрабіўшы вялізныя вочы, запыталася касірша. — У нас самаабслугоўванне толькі на зале, тут я сама ўсё зраблю.
— Прабачце, — зачырванеўся пакупнік, пужліва азіраючыся назад. — Гэта ў мяне такая звычка выпрацавалася за пяць гадоў сямейнага жыцця…
Наталля ШАСТАКОВА, г. Гомель
