Думкі ўголас
Калі муж, вяртаючыся з працы, натхнёна заспяваў «Касіў Ясь канюшыну», Яніна засмучана ўздыхнула: «Зноў «накасіўся»!..»
Аднойчы сагнуты цвік заўсёды імкнецца сагнуцца.
Матацыкліст хацеў абагнаць вецер, але прыдарожны слуп не зразумеў ягоны намер.
Ігнат на добрым падпітку раз-пораз заходзіў у Нёман і дзівіўся: «І які гэта дурань выдумаў, што ў адну і тую ж рэчку нельга ўвайсці двойчы?»
Янусь МАЛЕЦ, Мінск
Пародыя
Піша вершы паэт
Вёска спіць. А дзівак-паэт
Пераводзіць на вершы чарніла
І рыфмуе каханую з поўняй…
…
Трэці спеў. Захліпаюцца пеўні,
А ў яго не канчаюцца вершы…
Анатоль ЗЭКАЎ
Анекдоты