усім нашым чытачам і прыхільнікам!
Паважаныя чытачы! Дзякуючы нашым сябрам з часопіса Вожык, мы адкрываем новую рубрыку. Кожны дзень у рубрыцы «Падарунак ад «Вожыка» будзем змяшчаць для вас смешныя (а часам і не зусім, бо вельмі ж адпавядаюць рэчаіснасці) карыкатуры і гумарэскі ад любімага часопіса.
«Вожык» — старэйшае грамадска-палітычнае і літаратурна-мастацкае выданне ў галіне сатыры і гумару, якое ўваходзіць сёння ў склад Рэдакцыйна-выдавецкай установы «Выдавецкі дом «Звязда».
Часопіс «Вожык» заўсёды быў і застаецца захавальнікам лепшых традыцый беларускай сатыры і гумару. Аснову аўтарскага актыву выдання заўсёды складалі знакамітыя беларускія пісьменнікі і паэты — Янка Купала і Якуб Колас, Кандрат Крапіва і Кузьма Чорны, Пятрусь Броўка і Васіль Вітка, Пятро Глебка і Максім Лужанін. Прайшлі праз «Вожык» і лепшыя творы айчынных мастакоў-карыкатурыстаў. Сёння, без перабольшвання, можна гаварыць аб існаванні «вожыкаўскай» школы карыкатуры і гумарыстычнага малюнка, якая заснавана на высокім майстэрстве і мае сваіх шматлікіх паслядоўнікаў.
Сёлета «Вожык» адсвяткаваў 75-гадовы юбілей (гісторыя выдання пачалася з узнікнення ў 1941 годзе знакамітага агітплаката «Раздавім фашысцкую гадзіну», які пасля заканчэння Вялікай Айчыннай вайны і пераўтварыўся ў часопіс «Вожык») і з гэтай нагоды арганізоўвае шэраг святочных мерапрыемстваў і ладзіць цікавыя праекты. Давайце разам падтрымаем беларускі гумар!
Вітайце!
Думкі ўголас
Шэрага чалавека i яркае адзенне не зробiць прывабным.
Прыкмета
— У мяне ёсць адна прыкмета.
— І якая ж?
— Выйдзеш ненафарбаванай — сустрэнеш усіх знаёмых, нават тых, пра існаванне якіх ужо і забыла.
Даслаў Канстанцін Карнялюк (г. Віцебск)
Каратушкі з-пад падушкі
Наўрад ці будзеш міласэрнай:
Ўсю ноч з суседам мы пілі…
Нясу ў ахвяру свае нервы —
Пілі!
Аўтар Вераніка Мандзік (г. Мінск)
Костю корнелюка рада видеть и ненакрашенной!