21 мая Нацыянальны акадэмічны драматычны тэатр Якуба Коласа анансаваў прэм’еру — п’еса — «Звярыныя апавяданні» драматурга Дона Нігра адбудзецца на камернай сцэне Тэатра праз тыдзень — 27 мая. Творам амерыканскага аўтара ў адну дзею, складзенай з 11 міні п’ес, на Віцебскай сцэне дэбютуе рэжысёр запрошаны з Масквы — Аляксей Шаўлоў. (Дарэчы, пастаноўшчык скараціў асабісты варыянт да 10)
Шаўлоў — мінчанін. У 2014 годзе ён скончыў Расійскі ўніверсітэт тэатральнага мастацтва (ГІТІС) і ў 2016 магістратуру школы-студыі МХАТ (Цэнтр імя У.Меерхольда). Працаваў у тэатрах Пензы, Казані, Масквы.
Для першай прэм’еры ў Віцебску пастаноўшчык выбраў сур’ёзную п’есу драматурга Дона Нігра. Яго творы шырока вядомы ў свеце. Амаль паўстагоддзя яны запатрабаваны тэатрамі ўсяго свету. П’есы Нігра — алегарычны глыбока псіхалагічны аналіз чалавечай сутнасці.
Расійскім і беларускім тэатралам амерыканскі драматург не вельмі вядомы. У Віцебску яго п’еса ставіцца ўпершыню.
Прэс-канферэнцыя адбылася ў малым зале, дзе адбывалася рэпетыцыя спектакля. Прыемна было убачыць на сцэне народнага артыста Беларусі, 86 гадовага Тадэвуша Кокштыса, які іграе ў спектаклі.
На сцэне ішла апошняя міні п’еса. Дзеючымі асобамі былі каровы ў чарзе на бойню. Адна з іх падазрае бяду, а дзве другія яе супакойваюць.
Цытата каровы. Элаіза: «Ведаеш, Бессі, я даўно ўжо зразумела, што для каровы непакой — галоўная бяда. І што нам трэба, дык гэта супакоіцца і верыць. Усе і было добра, і ўсе будзе добра, так альбо інакш. Трэба проста цешыцца тым, што ёсць…» Нешта гэта мне згадала.
Бойня ў якую «мяснік» хавае «кароў» увасобілі дзве вялізныя сінія бочкі.
Спадабалася рэпліка рэжысёра акцёру, які выконвае ролю мясніка:
«Не трэба іграць мясніка — ты і так дастаткова ён!»
Ролю выконвае Герман Дамарэцкі.
У спектаклі занятыя: Арцем Герак, Юлія Крашэўская, Антон Бараноўскі, Герман Дамарэцкі. Пераклад — Алеся Замкоўскага. Сцэнаграфія і музычнае атачэнне — Аляксея Шаўлова.
Ў прэс-рэлізе тэатр прадставіў Аляксея Шаўлова расійскім рэжысёрам. Алесь Замкоўскі (літаратурны кіраўнік тэатра) сказаў, што гэта маркетынг, а сам Аляксей патлумачыў, што ён мінчанін, а вучыўся і працаваў у Расіі.
П’еса Дона Нігра — гэта паказ чалавечых слабасцей праз вобразы жывел. Амерыканскі драматург як бы дае разуменне, что чалавек адрозніваеццца ад жывелы ўзроўнем асабістай свабоды. А чаму Аляксей Шаўлоў выбраў менавіта гэтага аўтара і гэты твор?
«Я не ведаю, як у Амерыцы, але магу дакладна сказаць, што сённяшні ўзровень свабоды сярод 20-ці гадовых мінчан вышэйшы, чым у аднагодак у іх узросце. Мяркую, што вольным не станеш раптоўна. Да ўсяго трэба дарасці. Спадзяюся беларусы ў паўкроку да гэтага».
Склалася ўражанне, што Аляксей па-добраму нэрвовы і аўтарытарны рэжысер, існаванне ж канфлікта — сутнасць тэатра.
- Аляксей, ёсць канфлікт — «бацькі і дзеці», а у вас выконвае ролю знакаміты акцер, спадар Кокштыс. Мабыць, былі моманты, калі ён меў асабісты погляд. Ці прысутнічае ў працы над п’есай узростны канфлікт «унук і дзядуля»? І чыё слова апошняе?
«Самы цудоўны і адзіна-пажаданы ў свеце — гэта творчы канфлікт. Ён дапамагае дадаць дзейству новыя фантасмагарычныя колеры. Безумоўна, заўвагі пана Тадэвуша маюць вялікі кошт. Яны мной улічваліся, але рашаючая роля мая. Пастаноўшчык дыктуе, акцер выконвае — гэта аксіёма. Для мяне вялікае задавальненне працаваць са спадаром Кокштысам. Нажаль, у тэатральным засталося мала акцёраў той выдатнай старой школы», — адзначыў Аляксей Шаўлоў.
Тэатр імя Якуба Коласа чакае гледачоў на камернай сцэне 27 мая 2021 года ў 19 гадзін.
Квіткі ў продажы 22 мая яшчэ былі. Набывайце.
Прашу прабачэння за недакладнасць у першым варыянце заметкі.