ужо заўтра
У мінулую сераду бясплатныя курсы «Мова нанова-Віцебск» пачалі шосты сезон.
Павіншаваць вядоўцаў і слухачоў прыйшлі дэкан мастацка-графічнага факультэта ВДУ імя П.М. Машэрава, літаратуразнаўца Ірына Саматой, вядучы майстар сцэны Нацыянальнага акадэмічнага драматычнага тэатра імя Якуба Коласа Юрась Цвірка і сталічны госць – паэт, перакладчык, літаратуразнаўца, бард Андрэй Хадановіч.
Госці падрыхтавалі невялічкія конкурсныя заданні, а пераможцам урычылі білеты на канцэрт «J:МОРС» у Віцебску.
Вядоўцы курсаў Таццяна Дубоўская, Іван Рагавой і Ганна Кажамячанка паабяцалі, што гэты сезон будзе вельмі насычаным і багатым на сюрпрызы.
Так ужо ў гэту сераду ўсіх ахвотных чакае адмысловы мова-квіз на тэму «Жывёльны свет».
Калі: 9 кастрычніка ў 18.30.
Дзе: арт-паб «Торвальд».
Уваход: вольны.
Што патрэбна: сабраць каманду з 5-6 чалавек ці прыйсці самастойна – каманду можна будзе стварыць на месцы.
Арганізатары абяцаюць: будзе весела, цікава і пазнавальна! Прыходзьце!
Юбилейный концерт «J:Морс» в Витебске состоится 9 ноября. «20 лет. Полет норм!»