дударская вечарына, канцэрт і шэсце дудароў, а таксама ўрачыстая служба з удзелам дудароў
Глыбокае запрашае на другі фэст дударскіх рэгіёнаў «Дударскі Рэй – 2018», які сёлета адбудзецца 4-6 траўня. Свята дуды пройдзе пад міжнародны акампаніямент запрошаных гасцей з розных дударскіх рэгіёнаў Польшчы, Славакіі, Чэхіі, Шатландыі, Латвіі, Бельгіі, Сербіі і Харватыі.
У адрозненні ад дэбютнага фэсту, сёлета падзея стане ажно трохдзённай і абяцае сабраць шматлікіх прыхільнікаў гэтага старажытнага беларускага інструмента. Назва фестывалю ўзятая з верша Янкі Купалы:
Важна рэй Ігнат Буйніцкі
Ў танцах нашых водзіць,
Аж здаецца – усё чыста
Хадыром з ім ходзіць…
Пад дуду і пад цымбалы
Топне, прыспявае…
Сцеражыцеся, ўсе людзі:
Беларус гуляе!
Верш Янкі Купалы прысвечаны Ігнату Буйнікаму, заснавальніку першай беларускай тэатральнай групы з Глыбоччыны, у складзе якой быў між іншым дудар – Адам Шульга. Дарэчы падчас фэсту плануецца ўшанаванне памяці Ігната Буйніцкага і Адама Шульгі як у Глыбокім, падчас адкрыцця фэсту ў Алеі славутых землякоў так і на малой радзіме – у вёсцы Празарокі.
Поўная праграма «Дударскі Рэй – 2018»
Калі | Што | Дзе |
4 мая, пятніца | ||
11.30 | Адкрыццё фэсту | Глыбокае,Алея славутых землякоў, плошча 17 верасня |
13.30 | Дударская вечарына | Глыбокае,танцавальная зала Глыбоцкага ДК,вул. Камуністычная, 10 |
17.30 | Канцэрт «Дударскі рэй» | ПразарокіПразароцкі ДК |
5 мая, субота | ||
11.30 | Адкрыццё выставы выцінанкі«Дуда мая ты спеўная»і майстар-клас па выцінанцы | Глыбоцкая цэнтральная раённая бібліятэка,вул. Энгельса, 41А |
13.00 | Адкрыццё выставы«Славацкія дуды ў ХХІ стагоддзі» | ГУК«Глыбоцкі гісторыка-этнаграфічны музей»,вул. Энгельса, 24 |
16.00 | Шэсце дудароў | ад дзіцячай школы мастацтваў да цэнтральнай плошчы |
16.30 | Гала-канцэрт дудроў«Дударскі рэй на Глыбоччыне» | Глыбокае, цэнтральная плошча |
6 мая, нядзеля | ||
11.00 | Урачыстая служба з удзелам дудароў | вёска Удзелакасцёл Беззаганнага Зачацця Найсвяцейшай Дзевы Марыі |
Падзея адбудзецца ў межах больш маштабнай працы па адраджэнні дуды ў адным з найбольш дударскіх рэгіёнаў Беларусі і Паазер’я. Запланаваныя шматлікія канцэрты, парады, выставы і іншыя мерапрыемствы падчас якіх рэй будзе весці менавіта беларуская дуда.