лектары – супрацоўнікі Універсітэта імя Ніла Гілевіча і дацкія прафесары
Універсітэт імя Ніла Гілевіча і Таварыства беларускай мовы запрашаюць усіх ахвотных на прэзентацыю відэарэпартажаў «Універсітэты свету» пра адукацыйную сістэму Даніі.
У цыкле праграм распавядаецца пра найстарэйшую вышэйшую навучальную ўстанову Еўропы Капенгагенскі ўніверсітэт, пра сучасны ўніверсітэт з аўтарскай сістэмай навучання ў Роскільдзе і Дацкую нацыянальную кінашколу, пра агенцтва Міністэрства адукацыі, якое каардынуе працу ўніверсітэтаў, пра ўмовы жыцця і працы дацкіх выкладчыкаў і студэнтаў.
Лектарамі на сустрэчы выступяць:
- першы прарэктар Універсітэта імя Ніла Гілевіча, намеснік старшыні Таварыства беларускай мовы імя Францыска Скарыны Уладзімір Колас;
- прарэктар па навучальнай працы Універсітэта імя Ніла Гілевіча, эксперт Грамадскага Балонскага камітэта ў Беларусі Павел Церашковіч;
- прафесар кафедры кіно і медыязнаўства Капенгагенскага ўніверсітэта, пісьменнік Карстэн Фледэліус;
- прафесар Дацкага тэхнічнага ўніверсітэта, даследчык, журналіст Карл Эрык Фаверскаў.
Падчас сустрэчы таксама будзе прадстаўлена новае выданне «Уводзіны ў філасофію», падрыхтаванае Універсітэтам імя Ніла Гілевіча.
Калі: 31 кастрычніка (чацвер).
Дзе: арт-паб «Торвальд» (вуліца Талстога, 1).
Пачатак: 16:00.
Прыходзьце і прыводзьце сяброў!